Rəngli Doppler müayinəsi – Ayaqlarda varikoz damarların diaqnozunun qoyulması

Rəngli Doppler müayinəsi nədir və necə aparılır?

Rəngli Doppler müayinəsi müasir şəraitdə qızıl standart olaraq varikozun diaqnostikasında ən informativ üsuldur. Əgər varikoz xəstəliyi varsa və yaxud ümumiyyətlə varikoz xəstəliyinin yaranma riskləri ilə təmasdasınızsa, profilaktik yoxlanmaq üçün mütləq Rəngli Doppler müayinəsindən keçilməlidir. Rəngli Doppler müayinəsi 10-15 dəqiqə vaxt aparır, ağrısız bir müayinədir. Bu üsul ultrasəs dalğasının əks olunmasına əsaslanır, qan axınından ultrasəs dalğası ultrasəs transduser tərəfindən götürülür və monitorda əks etdirilir. Həkim-fleboloq qanın damarlardan necə keçdiyini izləyə bilir və qapaq aparatının fəaliyyətini qiymətləndirir. Prosedur ambulator şəraitdə şaquli vəziyyətdə aparılır. Pasiyent xüsusi dayaq üzərində, əlləri tutqunlarda həkimə tərəf dayanır. Ayaqların müayinəsi növbə ilə olur.

Dizaltı venanın Rəngli Doppler müayinəsi üçün pasiyent əvvəlki vəziyyətindən əks tərəfə çevrilir. Həkim sensor və dəri arasındakı əlaqəni yaxşılaşdırmaq üçün ultrasəs transduserinə kiçik miqdarda xüsusi gel (hipoalegenik, qoxusuzdur) tətbiq edir. Damarları araşdıraraq və diametri ultrasəs ilə ölçüldükdən sonra həkim-fleboloq funksional testlərə keçir. Qapaq çatışmazlığının ən dəqiq diaqnozu üçün Rəngli Doppler istifadə olunur. Həkim araşdırılan nahiyənin altından, damara qısa müddətli sıxılma edir. Sıxılma zəiflədikdən sonra, həkim reflyuksun olub-olmamasını və patoloji geri çəkilmə (qanın əks istiqamətdə axını) müddətini qiymətləndirir.

Qeyd olunan nəticələr

GRADE varikoz xəstəliyinin təsnifatıdır. Bu təsnifat 4 dərəcədən ibarətdir. 3-4-cü dərəcə cərrahi müdaxilənin göstərişlərinə aiddir. Bu mərhələlərdə ayaqlarda varikoz damarlarının Endovasal Lazer Ablasiya müalicəsi və ya Miniflebektomiya kimi prosedurlar aparıla bilər.

Rəngli Doppler qeyri-invaziv, ağrısız bir üsuldur, damar vəziyyətinin tam şəkilini verir. Rəngli Dopplerin əsasında, varikoz damarlarının diaqnozu qoyulur və müalicə planı seçilir. Rəngli Doppler tromboflebitin (varikoz damarlarının ağır fəsadları, damarların trombozu və divarlarının iltihabı ilə ifadə olunur) varlığını müəyyən edə bilər. Beləliklə, diaqnoz mərhələsində Rəngli Dopplerdən istifadə olunur və varikoz damarlarının müalicəsi, həmçinin fəsadların qarşısının alınması zamanı tətbiq edilir.