Endovasal Lazer Ablasiya – Ayaqlarda varikoz damarların müalicəsi

Endovasal Lazer Ablasiya üsulunun seçimi zamanı varikoz damarların müalicə taktikasını seçərkən pasiyentin xəstəlik dərəcəsi nəzərə alınmalıdır. CEAR-ın beynəlxalq təsnifatına əsasən C2 mərhələsindən başlayaraq Lazer terapiyası tövsiyə olunur.

Damarların Endovasal Lazer Ablasiyası nədir?

Bu, açıq Flebektomiyadan fərqli olaraq atravmatik və demək olar ki, təhlükəsiz olan varikoz damarların müalicəsinin ən müasir minimal invaziv növüdür. Metodun mahiyyəti, damarlara Lazer şüası və yüksək hərarətin təsiriylə onun divarlarının “yapışmasını” əldə etmək, yəni patoloji damarı məhv etməkdir. Əməliyyat hazırlığı zamanı Rəngli Doppler müayinəsi aparıldıqdan sonra həkim-fleboloq ağrıyan ayağın üzərində genişlənmiş damarları qeyd edir. Daha sonra lokal anesteziya altında punksiya olunur.

Ayaq venalarının Endovasal Lazer Ablasiya müalicəsinin üstünlükləri:

• Minimal invaziv və təhlükəsiz müalicə metodudur;
• Ümumi anesteziya tələb etmir, lokal anesteziya altında həyata keçirilir, yəni pasiyent əməliyyat zamanı şüurludur;
• Pasiyentə stasionar müşahidə tələb olunmur, yəni Endovasal Lazer Ablasiya müalicəsindən dərhal sonra pasiyent xəstəxanadan çıxa bilir;
• Dəridə yara izləri, görünən qüsurlar olmur (prosedur kiçik punksiya ilə həyata keçirilir). Lazer Radiyasiyası yalnız patoloji damara təsir göstərir, ətrafdakı toxumalara və bütün bədənə təsir etmir;
• Faktiki olaraq təkrarlanma və çox az ağırlaşma riski mövcuddur.

Əməliyyatdan əvvəl minimum qan testi lazımdır. İnfeksiyaların (hepatit, sifilis, və s.) olub-olmamasını və qan laxtalanmasını müəyyən etmək üçün qan analizi vermək gərəklidir. 50 yaşdan yuxarı olan insanlara kardioqramma və ya exokardioqramma tələb oluna bilər. 

Ayaq damarlarında  Endovasal Lazer Ablasiyası aparıldıqdan sonra nəticəni saxlamaq üçün antivarikoz corabı geyinmək lazımdır. Antivarikoz corabların geyinmə müddətini həkim-fleboloq təyin edir. Fleboloq təqdirinə əsasən, varikoz damarlarının Lazer müalicəsi ilə digər müalicə üsulları birləşdirilə bilər. Məsələn, damarların Endovasal Lazer koaqulyasiyası ilə eyni vaxtda Miniflebektomiya aparmaq mümkündür.

Miniflebektomiya kəsiklər olmadan kiçik punksiya ilə damarların çıxarılmasıdır. Damarların anatomik yerləşməsi səbəbindən Lazerlə keçmənin mümkün olmadığı zamanlar miniflebektomiya istifadə olunur.